Detalle noticia

itzuli atzera

2022-otsaila-08

STEM emakumeak

Neska eta Emakume Zientzialarien Nazioarteko Eguna, otsailak 11, ostirala.

Gaur ostirala, otsailaren 11, Neska eta Emakume Zientzialarien Nazioarteko Eguna ospatzen da.

Gure Magalenek, ikastetxeko neskek informazio eta esperientzia gehiago gertu izan dezaten nahi du, etorkizunean haien aukerak benetakoak izan daitezen; erabakietan ahalduntzea, alegia. 

Zientzia, teknologia, ingeniaritza eta matematika (STEM) sektoreetako karreretako ikasleen %13 baino ez dira emakumeak.

2017an 'Science' aldizkarian argitaratutako ikerketa batek erakusten duenez, sei urterekin neskak beren ikaskide mutilak baino gaitasun gutxiago dutela sentitzen hasten dira. 
Neskato talde bati, protagonista oso azkarra zuen kontakizun bat irakurtzen zitzaion, eta ez zen esaten gizona ala emakumea zen. Bost urterekin, neska gehienek uste zuten emakumea zela. Baina urtebete geroago, sei urterekin, neskato gehienek uste zuten gizona zela.

Arazo posibleetako bat erabilitako STEM erreferenteetan datza, horietan ia emakumerik ez baitago.

Horregatik, Udalak otsailaren 1etik 14ra plazan prestatu duen STEM EMAKUMEA erakusketa bisitatzera animatzen zaituztegu. Erakusketaren protagonistak eskualdean bizi diren edo lan egiten duten STEM emakumeak dira.

AMPA
1138 aldiz irakurri dute