Detalle noticia

itzuli atzera

2021-maiatza-31

ALUMINIOZKO PAPERA MURRIZTU

Urtebetean, hamaiketakoaren aluminioak San Mames zelaia estaltzen du

Aluminiozko bola batek 4 gramo hondakin sortzen dituela kalkulatzen da. Kopuru hori gure eskolako 634 ikasleekin eta urteko 175 eskola-egunekin biderkatzen badugu, emaitza hauxe da: 443,8 kilo aluminio-paper hondakin urtean!! Hamaiketakoan bakarrik.
Edo, bestela esanda, ikasle bakoitzeko 20 cm erabiltzen baditugu, urtebetean gure eskolako hamaiketakoaren aluminioak San Mameseko zelai osoa estaltzen du!!!

Erabilera murrizteko hainbat arrazoi daude
1. Bizitza erabilgarri laburra: ordu gutxi batzuk hamaiketakoa prestatzen denetik kontsumitzen den arte.
2. Ekoizpen-kostu handia. Kilo bat aluminio egiteko 8 kg bauxita behar dira eta 85 kilo material mobilizatu behar dira. Horrek eragin handia du ingurumenean.
3. Energia-kostu handia. Aluminioa urtzeko labeek 2000 gradu zentigradutik gorako tenperaturak behar dituzte.
4. Errekuperazio zaila. Birziklatze-plantetan, haien tamaina txikiak zaildu egiten du bereizketa hori.
5. Hondakinak murriztea da birziklatzeko modurik onena.

Horretarako, badira aluminioaren eta plastiko pelikularen alternatibak, hala nola Gure Magalean elkarteak eskaintzen dituen portamerienda ekologikoak eta erle-argizarizko papera, etxean ere presta daitekeena. Egizu proba!

AMPA
1167 aldiz irakurri dute